Mae Siân Gwenllian AS yn lansio ymgyrch codi arian ar gyfer 8 prosiect bwyd yn ei hetholaeth.
Y llynedd codwyd dros £2,000 tuag at fanciau bwyd o amgylch yr etholaeth, a gobeithiwn y gallwn efelychu rhywfaint o’r llwyddiant hwnnw eleni, a darparu cyllid hanfodol i brosiectau bwyd ledled yr etholaeth.
Yn ôl y Trussell Trust, dosbarthwyd 1.4 miliwn o barseli bwyd brys i bobl a oedd yn wynebu anawsterau ariannol rhwng Ebrill 2023 a Medi 2024.
Y prosiectau fydd yn elwa o’r apêl yw Banc Bwyd Caernarfon, Banc Bwyd Coed Mawr, Bwyd i Bawb Bangor, Cynllun Bwyd yr Orsaf (Penygroes), Porthi Dre (Caernarfon), Pantri Pesda (Bethesda), Cynllun Bwyd Cwm-y-glo a Llanrug, a Banc Bwyd Cadeirlan Bangor.
Diolch rhag blaen am eich cyfraniad.